“Është çështje hajdutësh”/ Protestat, Bushati: Rama do të shesë copa Shqipërie për të blerë influencë

Analisti Andi Bushati shprehet se kryeministri shqiptar Edi Rama kërkon ta shesë Shqipërinë në copa për të blerë influencë.

Ky është konstatimi i Bushatit në studion televizive teksa vendi ka shpërthyer në protesta kundër Zvërnecit, protestë që ka tejkaluar kufijtë shqiptarë.

Bushati tha se ky proces po kryhet në fshehtësi të plotë, duke shkelur rregullat e tregut të lirë dhe duke ndryshuar ligjet me porosi.

Sipas tij, ky nuk është një zhvillim i mirëfilltë kapitalist, por një skemë e ngjashme me “putinizmin”, ku pasuritë e vendit ndahen në jahte private mes kryeministrit dhe oligarkëve të huaj.

Rama do të shesi copa Shqipërie për të blerë influencë. Dhe këtë njerëzit e kuptojnë. Dhe prandaj se është i tillë, është shkelur çdo rregull, janë ndryshuar ligje, janë bërë masakra, e në fund është vënë dhe teli me gjemba. Pse nuk e bëjnë në Shëngjin këtë gjë? Pse s’e bën në Shëngjin këtë gjë?

Po të mos ishte familja Trump, pse s’e bën? Sepse, e para është kjo që besoj ramë dakord të gjithë, se këtu ka dhe një mbështetje të mediave ndërkombëtare.

Pra ka një përputhje të interesit të atyre që duan të denoncojnë përdorimin që familja Trump po i bën Shtëpisë së Bardhë, për t’u pasuruar në mbarë botën. Është një përputhje interesash midis këtyre dhe këtyre.

Tani, këta të Shqipërisë pse nuk u çuan për Rjollin, pse nuk u çuan për Shëngjinin? Pse? Për një arsye, sepse ky qe rasti tipik kur qytetari u ndje me çizmen në fyt. Dhe po e nis këtu, që e kanë dhe me Amerikën.

Kur një qytetar shqiptar e sheh veten, sheh atë ambasadorin amerikan që i thonë ‘ore ti di gjë çfarë po bën atje familja Trump?’ dhe ai thotë ‘jo nuk di gjë’. Ai kupton që nuk e ka ndihmën e ambasadës amerikane.

Pastaj sheh që opozita, pa e ditur se çfarë është, thotë ‘unë jam me projektin’, pra nuk ka as mbështetjen e opozitës.

Dhe pastaj ndjen që nuk ka as mbështetjen e mediave, kur si në një rast si ky nuk ka pasur një kod omertaje për të mos folur për këtë punë.

Ndryshe nga çdo rast tjetër, nga 5 Maji, nga Unaza, nga Riolli, këtu të gjithë faktorët u bënë bashkë për të vjedhur qytetarin.

Ore aty të hiqeshin njerëzit zvarrë, Sali Berisha thoshte ‘unë jam me investitorët e huaj’. Mos më bëj tani të devijoj sa djathtas majtas.

Të kthehemi te investimi. 10 ditë ka çfarë thuhet: ‘A biles ta thonë kështu, a mos je gjë kundër investimit?’ Shikoji çfarë u bëjnë këtyre…

Këtu nuk ka kapitalistë, këtu ka shërbëtorë të Edi Ramës. Pse unë them që ky investim, po nuk u ndalua, është një fatkeqësi për Shqipërinë. Pse do të isha unë dakord për një investim 4 miliardësh?

Kur ky investim të bëhej me rregullat e një tregu kapitalist. Ç’do të thotë të jetë investim me rregullat e një tregu kapitalist?

Që jo ta takojë Rama në një jaht të një hebreu Kushnerin e aty të bëjnë plane si ndahet Shqipëria, por që kur 10 vjet më parë është bërë plani urbanistik i Vlorës, kjo do jetë zonë zhvillimi.

Ky nuk është kapitalizëm, ky është putinizëm. Është një fatkeqësi për Shqipërinë si porti i Durrësit e si shumë projekte të tjera.