Sekuestrohen dy anije nga Irani, Donald Trump: Kemi “kontroll total” mbi Ngushticën e Hormuzit

Presidenti amerikan Donald Trump ka deklaruar se forcat e SHBA-së kanë “kontroll total” mbi Ngushticën e Hormuzit, pavarësisht përshkallëzimit të tensioneve me Iranin, ku raportohet edhe sekuestrimi i dy anijeve kargo nga komandot iraniane.

Trump tha se udhëheqja në Teheran është e përçarë dhe e paqartë, duke e cilësuar situatën si një konflikt të brendshëm mes fraksioneve politike në vend.

Megjithatë, raportet e Pentagonit paralajmërojnë se pastrimi i rrugëve detare nga minat mund të zgjasë disa muaj, ndërsa ngushtica mbetet një pikë kyçe e tensioneve globale për shkak të rëndësisë së saj për tregtinë e naftës.

Nga ana tjetër, çmimet e energjisë po mbeten të larta dhe ekspertët paralajmërojnë rreziqe të mëtejshme për sigurinë energjetike në nivel global, nëse situata në rajon nuk stabilizohet.