Aksident në aksin Hani i Hotit-Vermosh/ Makina përplaset me mjetin bujqësor, plagoset një person

Një aksident rrugor është regjistruar rreth orës 20:15 në aksin “Hani i Hotit-Vermosh”.

Sipas të dhënave paraprake, një automjet i drejtuar nga shtetasi L. S. është përplasur me një mjet bujqësor që drejtohej nga shtetasi P. P.

Si pasojë e përplasjes, shtetasi P. P. ka mbetur i lënduar dhe është dërguar në Spitalin Rajonal të Shkodrës, ku po merr trajtim mjekësor.

Policia dhe grupi hetimor, nën drejtimin e Prokurorisë, po punojnë për të zbardhur shkaqet dhe rrethanat e aksidentit.