Zjarri në Borizanë, digjet sipërfaqja me pemtari

Një vatër zjarri është shfaqur mbrëmjen e sotme pranë fshatit Borizanë, në zonën e Krujës, duke përfshirë pemtari.

Në vendngjarje ndodhen shërbimet zjarrfikëse të Krujës, të cilat po punojnë për izolimin dhe shuarjen e flakëve, me qëllim parandalimin e përhapjes së zjarrit.

Ende nuk dihen shkaqet e rënies së zjarrit në zonën e Borizanës.

Gjatë ditës së sotme, në zonën e Krujës janë shfaqur disa vatra zjarri, duke angazhuar shërbimet zjarrfikëse për ndërhyrjen dhe neutralizimin e tyre.