“Dashnia e vërtetë e gjen rrugën e bashkimit”, Moza Ahmeti shkon në eventin e DJ krah për krahu me Bujakën

Miqësia mes DJ Bujakës dhe Mimoza Ahmetit duket se i ka mbijetuar përplasjeve të fundit në “Ferma VIP”.

Vetëm pak para finales së spektaklit, raporti mes tyre u vu në pikëpyetje pas një debati të fortë që solli reagime të shumta mes ndjekësve të formatit.

Në atë kohë, DJ Bujaka u shpreh i zhgënjyer nga sjellja e shkrimtares, duke lënë të kuptohej se miqësia e tyre kishte marrë një goditje të rëndë.

Por një javë pas mbylljes së aventurës televizive, dyshja ka treguar se mosmarrëveshjet i përkisnin së shkuarës. Ata janë shfaqur sërish pranë njëri-tjetrit në eventin e parë të organizuar nga DJ Bujaka pas përfundimit të spektaklit.

Në pamjet e publikuara në rrjetet sociale, Mimoza Ahmeti shihet e pranishme në aktivitet, duke i dhënë mbështetje mikut të saj. Momenti është ndarë edhe nga gazetari Redjon Shtylla, duke tërhequr vëmendjen e ndjekësve.

Një mesazh i publikuar në Instagram ka vulosur pajtimin mes tyre: Boni marshallah Jaka x Moza????????????Dashnia e vërtetë e gjen rrugën e bashkimit❤️????. Dora vetë, Moza e ftuara speciale në eventin e parë të DJ Bujakës që pas finales së Fermës! Dyshja është rikthyer në ujërat që magjepsi publikun. Sezoni çelet nga Jaka X Moza

Rishfaqja e tyre së bashku është pritur pozitivisht nga fansat, të cilët i kanë konsideruar gjithmonë si një nga dyshet më të veçanta dhe më të komentuara të këtij edicioni të “Ferma VIP”.