"Në Kosovë po shkelet hapur Kushtetuta"/ Grenell del në krah të 6 deputetëve të LDK-së që refuzuan kandidaturën e Sejdiut

Ish-emisari amerikan për dialogun Kosovë-Serbi, Richard Grenell ka reaguar lidhur me zhvillimet e fundit në Kosovë.

Me anë të një postimi në platformën “X”, Grenell u ka dalë në krah 6 deputetëve të LDK-së që nuk pranuan emrin e Bekim Sejdiut për President sipas marrëveshjes të Albin Kurtit dhe Lumir Abdixhikut.

Grenell publikoi edhe fotografi të Avdullah Hotit, Hykmete Bajramit, Arben Gashit, Armend Zemajt, Kujtim Shalës dhe Janina Ymerit, duke i cilësuar ata si miq të mëdhenj të Amerikës.

“Miku im Avdullah Hoti dhe kolegët e tij janë miq të mëdhenj të Amerikës”, shkroi Grenell në “X”.