Reduktimi i trupave amerikane në Gjermani/ Reagon NATO: Europa duhet të ...

NATO është duke mbajtur kontakte me Shtetet e Bashkuara për të sqaruar detajet e vendimit mbi reduktimin e trupave amerikane në Gjermani dhe ndikimin që mund të ketë ky zhvillim në sigurinë e Europës.

Zëdhënësja e aleancës, Allison Hart, deklaroi se po bëhet një vlerësim i kujdesshëm i situatës, për të kuptuar se si do të riorganizohet prania ushtarake amerikane në kontinent.

Sipas saj, ky vendim thekson edhe një herë nevojën që vendet europiane të rrisin investimet në mbrojtje dhe të marrin më shumë përgjegjësi brenda strukturës së NATO-s.

Hart nënvizoi se tashmë ka një rritje të angazhimeve financiare nga shumë shtete anëtare, në përputhje me objektivat e aleancës për forcimin e sigurisë kolektive.

Ajo shtoi se NATO mbetet e përkushtuar ndaj mbrojtjes së përbashkët dhe se kapacitetet e saj nuk rrezikohen, edhe në kushtet e ndryshimeve në dislokimin e trupave amerikane në Europë.