E rëndë, djali i birësuar i Dog Chapman dyshohet se i qëlloi për vdekje të birin 13-vjeçar

Një ngjarje tragjike ka tronditur familjen e Duane “Dog” Chapman. Djali i tij i adoptuar, Gregory Zecca, dyshohet se ka qëlluar aksidentalisht djalin e vet 13-vjeçar, Anthony, duke i shkaktuar vdekjen. E shtëna ndodhi të shtunën, më 19 korrik, në një apartament në Naples, Florida, dhe u raportua nga TMZ.

Policia lokale konfirmoi se kishte marrë një telefonatë për të shtëna me armë rreth orës 20:00 dhe e konsideron incidentin të izoluar. Deri tani, nuk është bërë asnjë arrestim në lidhje me ngjarjen.

Dog, 72 vjeç, dhe bashkëshortja e tij Francie Chapman – nëna biologjike e Zecca-s – u shprehën përmes një përfaqësuesi: “Jemi në zi si familje për këtë aksident të pakuptueshëm dhe tragjik. Kërkojmë lutjet tuaja ndërsa vajtojmë humbjen e nipit tonë të dashur, Anthony.”