Wizz Air zgjeron lidhjet mesdhetare me dy destinacione të reja: Palma de Mallorca dhe Algero

Aeroporti Ndërkombëtar i Tiranës (TIA), në bashkëpunim me Wizz Air, vazhdon zgjerimin e rrjetit të fluturimeve me lançimin e dy destinacioneve të reja që lidhin Shqipërinë me rajonin mesdhetar, duke i ofruar pasagjerëve opsione të reja tërheqëse për pushimet e verës.

Më 23 qershor u kremtua fluturimi inaugurues mes Tiranës dhe Palma de Mallorca-s, i ndjekur më 24 qershor nga lançimi i linjës së re drejt Algerosë, duke i dhënë pasagjerëve më shumë mundësi udhëtimi dhe duke forcuar më tej lidhjen ajrore mes Shqipërisë, Spanjës dhe Italisë.
Linja Tiranë–Palma de Mallorca do të operojë dy herë në javë, çdo të martë dhe të shtunë, ndërsa linja Tiranë–Algero do të operojë çdo të mërkurë dhe të diel.

Këto destinacione të reja e pasurojnë më tej rrjetin në rritje të TIA-s dhe konfirmojnë rolin e rëndësishëm të Wizz Air në tregun shqiptar, duke ofruar opsione shtesë për udhëtime turistike, familjare dhe biznesi.

Piervittorio Farabbi, Drejtor Operacional i Aeroportit Ndërkombëtar të Tiranës, u shpreh:

"Jemi të kënaqur të shohim zgjerimin e vazhdueshëm të rrjetit të Wizz Air nga Tirana, me shtimin e Palma de Mallorca-s dhe Algerosë. Këto linja të reja pasqyrojnë kërkesën në rritje për lidhje ndërkombëtare dhe forcojnë më tej pozicionin e Tiranës si një portë gjithnjë e më e rëndësishme në rajon. Partneriteti ynë me Wizz Air vazhdon të luajë një rol kyç në zgjerimin e mundësive të udhëtimit për pasagjerët, ndërkohë që mbështet zhvillimin e turizmit, rritjen ekonomike dhe integrimin e Shqipërisë në rrjetin më të gjerë evropian të udhëtimeve."

Vera Jardan, Menaxhere e Komunikimit Korporativ në Wizz Air, shtoi:

"Wizz Air është e kënaqur të vazhdojë zgjerimin e pranisë së saj në Shqipëri me lançimin e dy linjave të reja interesante nga Tirana drejt Palma de Mallorca-s dhe Algerosë. Këto shtesa forcojnë më tej angazhimin tonë për të ofruar opsione udhëtimi të përballueshme dhe të lehta drejt destinacioneve më tërheqëse të Evropës për pushime. Me rrjetin tonë në rritje nga Tirana, vazhdojmë të fokusohemi në përmirësimin e lidhjes, mbështetjen e zhvillimit të turizmit, dhe t'u ofrojmë pasagjerëve tanë edhe më shumë zgjedhje për planet e udhëtimit në verë."

Me shtimin e këtyre dy linjave të reja, TIA dhe Wizz Air vazhdojnë të mbështesin rritjen e turizmit, lëvizshmërinë e pasagjerëve dhe zgjerimin e lidhjes ndërkombëtare të Shqipërisë.
Shtimi i Palma de Mallorca-s dhe Algerosë shënon një hap të rëndësishëm tjetër në zgjerimin e Wizz Air në Shqipëri. Aktualisht, Wizz Air ofron 65 destinacione nga Tirana, me 11 linja të reja të lançuara vetëm në vitin 2026.

Përtej forcimit të lidhjes ndërkombëtare, linjat e reja u ofrojnë pasagjerëve akses të drejtpërdrejtë në dy nga destinacionet kryesore mesdhetare për pushime verore, duke krijuar mundësi shtesë për turizëm dhe udhëtime pushimi.