VIDEO/ Rrëshqiti në shpatin e kodrës, shpëtohet 68-vjeçari në Tepelenë

Zjarrfikësit e Tepelenës kanë ndërhyrë këtë të shtunë për të evakuuar një banor që rrëshqiti aksidentalisht në shpatin e një kodre në fshatin Bënçë. Shtetasi A. Gapaj, 68 vjeç, banues në Tepelenë, mbeti i bllokuar pas rrëshqitjes, ndërsa ndërhyrja e shpejtë e forcave të emergjencës siguroi nxjerrjen e tij në siguri.

Gjendja shëndetësore e banorit paraqitet e mirë dhe jashtë rrezikut për jetën.

Autoritetet lokale dhe zjarrfikësit kanë apeluar për kujdes në lëvizjet në terrene të pjerrëta, sidomos pas reshjeve të fundit që rrisin rrezikun e rrëshqitjeve.