Tmerr në mesnatë në Elbasan, përplaset autoboti i gazit, evakuohen me urgjencë banorët e zonës

Një autobot është aksidentuar duke u përplasur me urën e Lizës në Elbasan gjatë orëve të vona të mbrëmjes, rreth mesnatës.

Pas aksidentit është raportuar për rrjedhje gazi, duke shkaktuar shqetësim për sigurinë në zonën përreth. Për këtë arsye, banorët dhe personat që ndodheshin pranë vendngjarjes janë evakuuar përkohësisht, ndërsa autoritetet kanë marrë masa për sigurimin e perimetrit.

Si pasojë e incidentit, qarkullimi në këtë aks u bllokua për disa orë, duke sjellë vështirësi në lëvizjen e mjeteve. Pas ndërhyrjes së autoriteteve dhe sigurimit të zonës, trafiku është zhbllokuar dhe qarkullimi ka vijuar normalisht.

Nuk dihen ende detaje të plota mbi rrethanat e përplasjes dhe shkakun e rrjedhjes së gazit. Pritet që autoritetet të japin më shumë informacion në vijim.