EMRI/ Konflikt për motive pronësie mes dy familjeve në Pukë, plagosen dy persona, shoqërohet një i dyshuar

Një konflikt mes dy familjeve ka përfunduar me dy persona të plagosur në fshatin Dedaj të Pukës.

Sipas burimeve, të lënduarit janë paraqitur në Spitalin e Pukës për të marrë ndihmë mjekësore, ndërsa ende nuk ka informacion zyrtar për gjendjen e tyre shëndetësore.

Në lidhje me ngjarjen, policia ka shoqëruar në komisariat shtetasin Fatjon Shkreli, ndërsa grupi hetimor vijon punën për zbardhjen e plotë të rrethanave të rastit.

Nga të dhënat paraprake dyshohet se përplasja mes familjeve Shkreli dhe Istrefi ka qenë një konflikt i hershëm, i mbartur prej vitesh, me motiv çështjet e pronësisë.