Kaos në Rrugën e Kombit/ Bllokohet aksi nga dy aksidente, kërkohet devijimi i mjeteve

Trafiku paraqitet i rënduar këtë mëngjes në Rrugën e Kombit, në aksin nga Rrësheni drejt Rubikut.

Sipas informacioneve paraprake, në këtë segment janë regjistruar dy aksidente, duke shkaktuar vështirësi në qarkullimin e automjeteve dhe krijuar radhë të gjata.

Për shkak të situatës, drejtuesit e mjeteve këshillohen të përdorin rrugën e vjetër nga Rrësheni deri në Rubik, me qëllim shmangien e trafikut dhe vonesave.

Policia dhe strukturat përgjegjëse pritet të ndërhyjnë për menaxhimin e qarkullimit dhe normalizimin e situatës në këtë aks.