E njohur për lidhjet me Teheranin, ajo krahason protestën në Tiranë me atë në Iran

Në protestat e zhvilluara prej më shumë se tri javësh në Tiranë, ka marrë pjesë edhe një personazh i njohur publikisht për qëndrimet e tij pro-iraniane.

Ikballe Berisha Huduti ka qenë e pranishme në tubimin e ditës së 15-të të protestës, siç e bëri vetë të ditur nëpërmjet profilit të saj në rrjetet sociale. Në postimet e saj, ajo i krahason protestat në kryeqytetin shqiptar me ato të zhvilluara në Iran.

Huduti njihet për deklarata kontroverse, duke qenë ndër të paktët persona që mbajnë publikisht foto me ish-presidentin e Iranit, Mahmoud Ahmadinejad. Ajo ka shprehur gjithashtu hapur qëndrime kritike ndaj Shteteve të Bashkuara.