Pagat, inflacioni dhe fuqia blerëse - Gjermania në vend të parë, po ku renditet Shqipëria sipas EUROSTAT? (FOTO)

Renditja e pagave minimale ndryshon ndjeshëm kur përshtatet me fuqinë blerëse, Shqipëria rezulton e fundit mes vendeve evropiane përsa i përket fuqisë blerëse sipas të dhënave të Eurostat për muajin korrik 2026

Është folur rritja e pagave, por inflacioni i lartë ka goditur më rëndë Shqipërinë teksa për shqiptarët fuqia blerëse është më e ulëta në rajon dhe Europë. paga minimale dhe ata që shkojnë deri te paga mesatare

Pagat minimale për gjysmën e dytë të vitit 2026 që janë publikuar nga Eurostat, tregojnë se vetëm tetë nga 29 vendet evropiane e rritën pagën e tyre minimale bruto midis janarit dhe korrikut 2026, ndërsa inflacioni në zonën e euros ishte 3.2% gjatë së njëjtës periudhë gjashtëmujore. Kjo do të thotë që ata që fitojnë pagë minimale humbën terren në terma realë në disa vende ku inflacioni ishte veçanërisht i lartë.

Në terma nominalë, Luksemburgu ka pagën minimale mujore bruto më të lartë në Evropë që nga korriku i vitit 2026, me 2,771 euro. Brenda BE-së, paga minimale është më e ulët në Bullgari, me 620 euro. Kur përfshihen edhe vendet kandidate për në BE, Ukraina ka pagën minimale më të ulët, me 169 euro. Moldavia (313) dhe Shqipëria (531) janë dy vendet e tjera me pagat minimale më të ulëta në Europë.

Duke parë shpërndarjen e niveleve të pagave minimale, pesë vende kanë një pagë minimale mujore bruto mbi 2,000 €. Nëntë vende bien midis 1,000 € dhe 2,000 €, megjithëse diapazoni është shumë i përqendruar drejt skajit të poshtëm, me vetëm një vend mbi 1,500 €.

Në 15 vende, paga minimale bruto mujore është nën 1,000 euro, që do të thotë se më shumë se gjysma e vendeve me të dhëna të disponueshme bien në këtë grup. Megjithatë, shtatë prej këtyre janë vende kandidate për në BE.

Pesë vende kanë paga minimale mbi 2,000 euro në muaj:

Përveç Luksemburgut, grupi i parë përfshin Irlandën (2,391 €), Gjermaninë (2,343 €), Holandën (2,338 €) dhe Belgjikën (2,234 €). Franca është shumë afër me 1,867 €.

Sllovenia (1,482 €), Spanja (1,425 €), Lituania (1,153 €), Polonia (1,119 €), Qiproja (1,088 €), Greqia (1,073 €), Portugalia (1,073 €) dhe Kroacia (1,050 €) përbëjnë grupin e mesëm. Shumica e tyre janë më afër 1,000 € sesa 1,500 €.

Ndryshimet në renditjen e pagave minimale sipas fuqisë blerëse

Renditjet e bazuara në standardet e fuqisë blerëse (PPS) ndryshojnë ndjeshëm nga ato të bazuara në terma nominalë në disa vende. Hendeku midis vendeve është gjithashtu më i ngushtë.

PPS ofron një krahasim më të drejtë përmes një monedhe artificiale që mat atë që njerëzit mund të përballojnë realisht në secilin vend. Në teori, një PPS mund të blejë të njëjtën sasi mallrash dhe shërbimesh në çdo vend.

Sipas PPS-së, pagat minimale variojnë nga 705 në Shqipëri (më e ulëta) në 2,164 në Gjermani (më e larta). Nuk ka të dhëna të disponueshme për Ukrainën dhe Moldavinë, ndërsa shifra për Turqinë pasqyron korrikun e vitit 2025.

Luksemburgu (2,108 PPS), Holanda (2,023), Belgjika (1,922) dhe Irlanda (1,756) plotësojnë pesë vendet e para.

Estonia ka pagën minimale më të ulët në terma të fuqisë blerëse brenda BE-së, me 935 PPS, e ndjekur nga Letonia (938 PPS).

Turqia dhe Bullgaria janë gjithashtu nën 1,000 PPS.

Disa vende kandidate për në BE renditen më lart se disa vende të BE-së në terma të PPS-së. Maqedonia e Veriut (1,142 PPS) dhe Serbia (1,094 PPS) tejkalojnë shtatë vende të BE-së, duke përfshirë Maltën, Sllovakinë, Hungarinë dhe Çekinë.

Kur krahasohen renditjet në terma nominalë dhe PPS në të 27 vendet, fituesit më të mëdhenj janë Rumania dhe Maqedonia e Veriut. Rumania ngjitet nga vendi i 20-të në të 12-tin, ndërsa Maqedonia e Veriut ngjitet nga vendi i 24-të në të 16-tin, duke fituar të dyja nga tetë vende.

Serbia (ngjitur pesë vende), Kroacia dhe Bullgaria (të dyja ngjiten nga tre vende) gjithashtu tregojnë ngritje të ndjeshme në renditjen PPS.

Humbësi më i madh është Estonia, e cila bie nga vendi i 16-të në të 26-tin, ndërsa Letonia, Çekia dhe Qiproja humbasin gjithashtu katër vende. Shqipëria ishte e fundit dhe pavarësisht se pagat janë rritur në dy-tre vitet e fundit ka mbetur e fundit në Europë sepse janë rritur më tepër çmimet, duke çuar në rënie të ndjeshme të fuqisë blerëse blerse .