“Zbulohen pamjet e para të ‘Jumanji: Open World’ – Një homazh prekës për Robin Williams

Dwayne Johnson, Kevin Hart dhe Jack Black u ngjitën në skenë në CinemaCon në Las Vegas për të zbuluar imazhet e para nga filmi i ardhshëm i Sony Pictures, "Jumanji".

"Jemi të emocionuar që jemi rikthyer për një tjetër Jumanji," komentoi Hart.

Black tha:

"Nuk jam argëtuar kurrë kaq shumë duke punuar në një film. Ky është i preferuari im deri më tani."

Hart më pas bëri shaka se nuk ishte plotësisht dakord, duke komentuar se xhirimet së bashku me Johnson kishin qenë... punë e vështirë.

Megjithatë, Johnson dha një moment prekës kur zbuloi se një nga dy zaret e përdorura në filmin e ri, të titulluar "Jumanji: Open World", ishte i njëjti që Robin Williams kishte në filmin origjinal "Jumanji" të vitit 1995.

"Robin, ky film është për ty", tha ai.

"Jumanji" është një nga franshizat më të suksesshme të filmave të Sony, por kanë kaluar shtatë vjet që nga publikimi i "Jumanji: The Next Level" (2019) dhe gati një dekadë që nga debutimi i "Jumanji: Welcome to the Jungle" (2017).

Sipas Hollywood Reporter, regjisori i të dy hiteve, Jake Kasdan, ka marrë përsipër frenat e prodhimit ambicioz bazuar në një skenar që ai e shkroi bashkë me Jeff Pinkner dhe Scott Rosenberg.

Kasti plotësohet nga Nick Jonas, Morgan Turner, Sir Darius Blaine, Lamorne Morris, Madison Eiseman dhe Danny DeVito.

"Jumanji: Open World" është planifikuar të dalë në kinema ditën e Krishtlindjeve.

CinemaCon, eventi kryesor i filmit, do të mbahet këtë vit nga 13 deri më 16 prill.