Pas shumë vitesh zbulohet detaji i panjohur nga historia e dashurisë së Shpëtim Saraçit dhe Mira Konçit

Pas shumë vitesh është zbuluar një detaj i panjohur nga historia e dashurisë së dy artistëve të njohur, Mira Konçi dhe Shpëtim Saraçi.

Ka qenë këngëtari Redon Makashi ai që ka rrëfyer se gjithçka nisi krejt rastësisht, kur ftoi Mirën t’i bashkohej grupit të tyre muzikor. Në atë kohë ata ishin ende shumë të rinj dhe udhëtimet, provat dhe koncertet i kalonin së bashku.

Sipas Makashit, gjatë punës për këngën “Ndoshta ishte dashuri”, Shpëtim Saraçi i fliste vazhdimisht për Mirën dhe kërkonte një mënyrë për t’u afruar me të.

Më pas, ai kompozoi një këngë enkas për Mirën dhe, falë ndërmjetësimit të Redonit, ndodhi edhe prezantimi i tyre i parë.

Ajo që nisi si një bashkëpunim artistik u shndërrua me kalimin e kohës në një histori dashurie, duke krijuar një nga çiftet më të njohura të muzikës shqiptare. Rrëfimi u rikthye në vëmendje nga vetë Redon Makashi, i cili kujtoi me nostalgji momentet që bashkuan dy artistët.