Partnerja e Mevlanit thumbon Livian: “Kur jeta jote është bosh, jeton në timen”

Ornela Murati, partnerja aktuale e Mevlan Shabës, ka shpërthyer në një reagim të drejtpërdrejtë në rrjetet sociale, që shihet gjerësisht si një thumbim ndaj Livias, ish-partneres së Mevlanit. Pa përmendur emra konkretë, Ornela nuk la vend për dyshime në mesazhin e saj ironik dhe thumbues.

“Më vjen keq që jeta jote është kaq bosh sa ke zgjedhur të jetosh në timen. Kur një grua e pavlerë kërkon vëmendje, vetëm bëhet reklamë për nivelin e saj”, shkruan ajo në Instagram, duke lënë të kuptohet se ndjehet e përndjekur nga e shkuara e partnerit të saj.

Ajo vazhdon duke nënvizuar se personi që përpiqet ta mallkojë harron një fakt të rëndësishëm: “Unë kam diçka që ajo nuk do ta ketë kurrë”, – një koment që nënkupton se lidhja e saj me Mevlanin është më e fortë dhe më e vërtetë se çdo përpjekje e së shkuarës për ta minuar.

Murati e mbyll reagimin duke theksuar se ajo ka pranë dikë “që e mbron dhe i jep atë që meriton”, duke e paraqitur veten në një pozitë të sigurt dhe të mbështetur emocionalisht.

Reagimi i saj ka ndezur diskutime në rrjet, duke rihapur temën e marrëdhënieve të komplikuara të personazheve publikë pas ndarjeve dhe lidhjeve të reja.