FOTO/ Kylie Jenner ndez rrjetin me fotot provokuese, prezanton koleksionin e ri veror të Khy!

Kylie Jenner ka tërhequr sërish vëmendjen e fansave me një set fotografish provokuese, të publikuara në kuadër të fushatës së re verore të markës së saj të modës, Khy.

Sipërmarrësja dhe ylli i rrjeteve sociale, Kylie Jenner, u shfaq me një bikini të zezë me prerje trekëndore, të kombinuar me xhinse të gjera, ndërsa pozonte në një apartament luksoz në New York për promovimin e koleksionit të ri.

Paraqitja e saj vjen pak kohë pas një udhëtimi në ishujt Turks and Caicos, ku ajo kaloi disa ditë me miqtë e saj dhe promovoi produkte të markës Kylie Cosmetics.

Në një postim në Instagram, Jenner zbuloi frymëzimin pas koleksionit të ri:

E dashur verë, me dashuri, Khy. U argëtuam shumë duke eksperimentuar me motive, mëndafsh dhe pambuk gjatë krijimit të këtij koleksioni. Donim të kapnim ndjesinë e verës, shkroi ajo.

Më vonë, ajo shtoi se koleksioni është frymëzuar nga “udhëtimet verore, netët e ngrohta dhe mbrëmjet jashtë”, duke sjellë një estetikë të lehtë dhe elegante për sezonin.

Fotografitë promocionale janë realizuar nga fotografi Pablo di Prima, ndërsa koleksioni i ri i Khy ka nisur tashmë të tërheqë vëmendjen e adhuruesve të modës dhe ndjekësve të Jenner në rrjetet sociale.