I ndërpreu fjalimin, profesori thërret studentin dhe e kap nga jaka: Do të të zhduk...

Pamjet që dyshohet se tregon një profesor të Universitetit Nirma në Indi, duke tërhequr një student nga jaka gjatë një shfaqjeje komedie stand-up ka tërhequr vëmendje të gjerë në mediat sociale. 

Sipas mediave të huaja, incidenti thuhet se ndodhi gjatë 'Technofora 2026', një ngjarje tre-ditore e organizuar nga studentët e Institutit të Teknologjisë të universitetit, nga 18 deri më 20 shtator 2026.

Gjatë një skeçi humori nga komediani Rajat Sood, një profesor thirri një student nga publiku në skenë dhe i kapi jakën.

Konfrontimi dyshohet se ndodhi pasi studenti bërtiti "Nxito, duhet të nisemi për në Panvel”, një shprehje me kuptim 0074ë keq nga një film i Bollywood-it, teksa profesori po mbante një fjalim.

Në videon që u përhap me shpejtësi në rrjetet sociale, dëgjohej profesori duke e kërcënuar studentin dhe duke i thënë: "Unë mund të të dënoj si të dua. Ditën që guxon të fyesh ndonjë anëtar të fakultetit të kampusit të Universitetit Nirma, do të të zhduk përgjithmonë."

Videoja virale ka shkaktuar reagime të ndryshme nga përdoruesit e internetit. Ndërsa disa e quajtën atë një "shaka të lehtë", të tjerë shprehën rezerva për të, duke përmendur "sjellje të pahijshme".

Nga ana tjetër, si profesori ashtu edhe studenti i kanë kërkuar falje njëri-tjetrit.