Zvicër / Njëmbëdhjetë të plagosur nga shpërthimi gjatë festës së karnavaleve

Njëmbëdhjetë persona u plagosën sot gjatë festimeve të Karnavalit në fshatin Chamble, në kantonin Valais, në jugperëndim të Zvicrës, kur një vagon që mbante një top konfeti shpërtheu, njoftoi policia lokale.

Sipas transmetuesit publik zviceran RTS, shpërthimi duket se ka qenë aksidental, i shkaktuar nga kompresori i ajrit që furnizonte me energji topin e konfetit.

"Pak para orës 15:00, një shpërthim ndodhi në vagonin që mbante topin e konfetit," tha policia në një deklaratë.

Njëmbëdhjetë të plagosurit morën ndihmën e parë në vendngjarje dhe më pas u transferuan në spitale të ndryshme lokale, shtoi i njëjti burim/CNN