Vodhi makinën, shoferi përplas 6 këmbësorë . Arrestohet autori

Një makinë goditi dhe plagosi gjashtë këmbësorë, përfshirë një oficer policie, në Culver City, Los Angeles. Autori dyshohet i kishte vjedhur makinën dikujt dhe e kishte kërcënuar me thikë.

Shoferi i makinës dyshohet se goditi dy persona me automjetin e tij përpara se të fillonte ndjekja e policisë, ndërsa më vonë goditi dhe plagosi katër të tjerë në përpjekjen e tij për t’u arratisur.

Ende nuk dihet se sa seriozë janë lëndimet e këmbësorëve. Në të njëjtën kohë, disa automjete pësuan dëme materiale gjatë përplasjes. Policia arrestoi shoferin. Motivi i shoferit nuk dihet ende.

“Nuk e di se cili ishte motivi i tij apo logjika e tij. Ajo që dimë është se ai veproi në mënyrë të pamatur dhe të rrezikshme, duke vënë në rrezik jetë në qytetin tonë”, tha departamenti i policisë së qytetit.

Sulmuesi u dërgua në spital me lëndime të lehta dhe përballet me një sërë akuzash, përfshirë tentativë vrasjeje. Hetimi për incidentin është duke vazhduar.