Gaza, mbi 100 të vrarë në 24 orët e fundit nga sulmet izraelite

Të paktën 110 persona kanë humbur jetën në Rafah dhe zona të tjera të Gazës në 24 orët e fundit, sipas Spitalit “Nasser”. Sulmi më i rëndë u regjistrua pranë një pike shpërndarjeje ndihmash, ku dëshmitarët thonë se forcat izraelite hapën zjarr ndaj civilëve që kërkonin ushqime.

Ushtria izraelite ka mohuar përfshirjen në incident, duke pretenduar se janë përdorur vetëm të shtëna paralajmëruese. Megjithatë, pamjet nga vendngjarja dhe dëshmitë flasin për një sulm të drejtpërdrejtë ndaj turmës.

Nga fillimi i luftës, mbi 798 civilë janë vrarë teksa përpiqeshin të merrnin ndihma. Ndërkohë, kriza humanitare po përkeqësohet – me mungesa ekstreme ushqimi, ilaçesh dhe uji.

Sipas raportimeve të New York Times, kryeministri Netanyahu akuzohet se po zgjat luftën për interesa personale politike. Ai i ka quajtur akuzat “shpifje”.

Konflikti po futet në një fazë gjithnjë e më të errët, ndërsa civilët mbeten viktimat kryesore të përleshjeve.