Franca i përgjigjet Presidentit Trump: NATO nuk është projektuar për operacione në Ngushticën e Hormuzit

Zëvendësministrja franceze e Ushtrisë, Alice Rufo, deklaroi se NATO nuk është projektuar për të kryer operacione në Ngushticën e Hormuzit.

"Është një aleancë ushtarake që merret me sigurinë e rajonit euroatlantik. Nuk është projektuar për të kryer operacione në Ngushticën e Hormuzit", tha ajo, duke shtuar se një veprim i tillë mund të shkelë të drejtën ndërkombëtare.

Deklaratat e saj erdhën pas kritikave të ashpra të Presidentit amerikan Donald Trump ndaj shteteve të NATO-s dhe veçanërisht Francës, për të cilat tha se nuk ndihmuan SHBA-në në luftën kundër Iranit./Shqiptarja