Zjarri përfshin pallatin në Korçë, nis evakuimi i banorëve

Një zjarr ka rënë në një pallat në lagjen nr. 4 të qytetit të Korçës.

Flakët kanë përfshirë një prej ambienteve të pallatit, ndërsa në vendngjarje kanë mbërritur shërbimet zjarrfikëse dhe efektivët e Policisë.

Për shkak të situatës, pritet të nisë evakuimi i banorëve të pallatit, ndërsa zjarrfikësit po punojnë për shuarjen e flakëve dhe vënien nën kontroll të zjarrit.

Deri në këto momente, nuk raportohet për persona të lënduar.

Shërbimet e emergjencës vijojnë ndërhyrjen në vendngjarje, ndërsa pritet të zbardhen edhe rrethanat e rënies së zjarrit.