‘Vriteni frikën!’ Protestuesi thirrje atyre që s’janë të pranishëm: Bashkohuni me ne!

Një protestues i cili tashmë i është bashkuar marshimit nga kryeministria te sheshi “Skënderbej”, pati një mesazh për ata që nuk kanë ardhur në tubim.

Ai tha se duhet ta vrasin frikën dhe të bashkohen për liri.

“Kisha një mesazh për ata shqiptarë që nuk janë bashkuar sot me ne sot në protestë. Një mesazh për shokun tim që ka familjarin në punë në bashki.

Një mesazh për studentët, mjekët, policët që i çojnë mish për top, për arsimtarët që punojnë në shkollat që boshatisen, punonjësit e administratës: bashkohuni me ne, vriteni frikën, bashkohuni për liri! Thirrja ime është për ata që nuk janë!”, tha protestuesi.