Shpërthim tritoli në Sarandë, objektiv automjeti i Klaus Jaçajt, u përfshi në konflikt pronësie

Policia ka dalë me një njoftim zyrtar lidhur me ngjarjen e ndodhur mbrëmjen e së hënës ku në qytetin e Sarandës shpërtheu një sasi eksplozivi.

Blutë sqarojnë se rreth orës 23:50, në lgjen nr.3 të qytetit, dyshohet se shpërtheu një sasi lënde eksploziv e vendosur në një automjet i cili rezulton të jetë i shtetasit Klaus Jaçaj.

Ky shtetas është i njohur për drejtësinë dhe është shpallur në kërkim për ngjarjen e ndodhur disa ditë më parë në qytetin bregdetar ku pas një konflikti mbetën të plagosur shtetasit Gëzim Hajdarajt 33 vjeç dhe Ernest Lama 24 vjeç.

Njoftimi i Policisë:

Sarandë/Informacion paraprak

Më datë 21.07.2025, reth orës 23:50, në lagjen nr. 3, Sarandë, dyshohet se ka shpërthyer një sasi lënde eksplozive e vendosur në një automjet, ku janë shkaktuar vetëm dëme materiale. Automjeti rezulton në pronësi të shtetasit K. J., 31 vjeç, person i shpallur në kërkim për veprën penale “Përkrahja e autorit të krimit”, në lidhje me ngjarjen e datës 17.07.2025, ku mbetën të plagosur me armë zjarri dy shtetas.

Grupi hetimor ndodhet në vendngjarje dhe po punon për identifikimin dhe kapjen e autorit, zbardhjen e plotë të rrethanave të ngjarjes dhe dokumentimin e saj ligjor.