Lufta me flakët në Dukat, asfiksohen tre zjarrfikës

Gjatë përpjekjeve për shuarjen e zjarrit në malin e Dukatit pranë Vlorës, tre zjarrfikës janë dërguar urgjentisht në spital për ndihmë mjekësore pasi pësuan asfiksim nga tymi i dendur.

Ata u përballën me vështirësi në frymëmarrje gjatë operacionit për të kontrolluar flakët që po përhapej në zonë. 

Aktualisht, zjarrfikësit ndodhen në gjendje të stabilizuar në spitalin e Vlorës, ku po marrin trajtimin e nevojshëm.

Ndërkohë, autoritetet vijojnë punën për të vënë nën kontroll zjarret në Dukat.