Ikën nga policia Neritan Nallbati

Neritan Nallbati, nuk do të jetë më pjesë e Policisë së Shtetit. Drejtori i Përgjithshëm, Skënder Hitaj, ka hapur garën pēr drejtuesit e rinj të departamenteve tê Policisë Kriminale, të Marrëdhënieve ndërkombëtare si dhe atë Kufirit dhe Migracionit.

Drejtuesi aktual i departamentit të Policisë Kriminale që cilësohet si numri dy në polici, Neritan Nallbati nuk ka aplikuar duke konfirmuar largimin e tij.

Ai drejtoi departamentin e Policisë Kriminale që nga 1 gushti i vitit 2022. Kriminalja që përbën një nga departamentet më të rëndësishme në Polici pritet të drejtohet nga një emër i ri, ku kandidatët më potencialë janë Lorenc Panganika dhe Alban Dautaj, të dy oficerë më karrierë të gjatë në polici.

Më herët Neritan Nallbati ka ushtruar këto funksione në Policinë e Shtetit;

-Drejtor i Policisë në Durrës

-Drejtor i Departamentit për Sigurinë

-Drejtor i Policisë Berat

-Drejtor i Standardeve Profesionale

-Këshilltar i Drejtorit të Përgjithshëm të Policisë së Shtetit

-Drejtor i Policisë Fier

-Drejtor Policisë Elbasan

-Drejtor i Policisë Vlorë

-Specialist në Policinë e Elbasanit

-Shef zyre në Policinë e Elbasanit

-Specialist, në Drejtorisë e Policisë Kriminale në Ministrinë e Rendit Publik

-Zëvendësdrejtor në Drejtorinë e Policisë Qarkut Tiranë

-Shef Komisariati, në Drejtorinë e -Policisë Qarkut Tiranë

-Shef i Policisë Kriminale Tiranë

-Specialist i Policisë Kriminale Tiranë