Gjykata Kushtetuese shtyn vendimin për çështjen “Balluku”, në pritje edhe Këshilli i Mandateve

Ditën e sotme, Gjykata Kushtetuese u mblodh për çështjen e Belinda Ballukut por ende nuk ka dalë me vendim. Burime thanë se Kushtetueses i duhet më shumë kohë për të dalë me një vendim pasi shqyrtoi ankimin e qeverisë. 

Të mërkurën (28 janar) do të mblidhet edhe Këshilli i Imunitetit dhe Mandateve për të shqyrtuar kërkesën e SPAK për heqjen e imunitetit të deputetit së ministres e Infrastrukturës dhe Energjisë.

Prokuroria e Posaçme Antikorrupsion i kërkoi më 16 dhjetor Kuvendit autorizimin për arrestimin e Belinda Ballukut, pra rrjedhimisht heqjen e imunitetit të deputetit që ajo gëzon e më pas hapjen rrugë të marrjeve të masave ligjore.

Seanca në Kushtetuese për Ballukun u mbajt më 22 janar, pa praninë e saj. Qeveria kërkoi shfuqizimin e vendimit të pezullimit të zv/kryeministres nga Gjykata e Posaçme, kurse SPAK e kundërshtoi. Vendimi i Gjykatës duhet të shpallet brenda 30 ditëve.

Vendimmarrja e Gjykatës Kushtetuese do të vijë në një kohë kur SPAK ka dorëzuar në Kuvend edhe kërkesën për autorizim për arrestimin e Ballukut. Kjo lëvizje e SPAK erdhi menjëherë pasi Kushtetuesja e ktheu Ballukun në detyrë deri në shqyrtimin e ankimit.

E pandehur për shkeljet në tenderin 190 mln euro të Tunelit të Llogarasë dhe nën hetim për 7 procedura të tjera prokurorimi lidhur me ndërtimin e lotëve të Unazës së Madhe, SPAK ka dyshime se Balluku duke qenë në detyrë, rrezikon të prishë provat hetimore dhe të intimidojë dëshmitarët.