Çudirat e kampionatit shqiptar, ikën për të dytën herë energjia elektrike në Teuta-Tirana, “dritat” i sjellin… tifozët

Një situatë e pazakontë ka ndodhur në sfidën Teuta-Tirana, e vlefshme për javën e dytë të kampionatit shqiptar.

Vetëm pak minuta pasi kishte nisur ndeshja, energjia elektrike është ndërprerë në stadium, duke detyruar arbitrin të ndalojë përkohësisht lojën.

Në momentin kur stadiumi mbeti në errësirë, tifogrupi “Djemtë e Detit” i erdhi në “ndihmë” situatës, duke ndezur flakadanë në tribuna. Për disa momente, ishin pikërisht flakadanët e tifozëve ata që sollën “dritën” në stadium.

Pas rikthimit të energjisë, Tirana shënoi golin e avantazhit, por më pas, për të dytën herë, dritat ikin sërish.

Një tjetër episod i veçantë në futbollin shqiptar, këtë herë në një nga ndeshjet e javës së dytë të kampionatit.