Lirohet Noizy pas ndalimit në Zvicër: Shpifje e pastër, do dënohet me ligj - reagon rreperi

Reperi Noizy është liruar pas ndalimit të bujshëm nga autoritetet zvicerane, një ngjarje që ka bërë shumë zhurmë në rrjet dhe mediat rozë.

Lajmin e ka konfirmuar vetë ai përmes një postimi në Instagram, ku sqaroi se arsyeja e ndalimit ishte një “shpifje e pastër” që çoi në një procedurë verifikimi të padrejtë ndaj tij.

“Një keqkuptim i rendë, i shkaktuar nga një shpifje e pastër, më përfshiu padrejtesisht në një
procedurë verifikimi nga autoritetet zvicerane.
Autori i kesaj shpifjeje do të perballet me pasojat ligjore, deri në denimin maksimal që parashikon ligji zviceran.”

Ai theksoi se personi përgjegjës për këtë shpifje do të përballet me drejtësinë, duke paralajmëruar ndëshkim maksimal sipas ligjit zviceran.

Reperi nuk dha më shumë detaje për natyrën e akuzës apo identitetin e personit që ai pretendon se qëndron pas këtij incidenti, por reagimi i tij ka marrë menjëherë vëmendje të madhe nga fansat dhe publiku.

Ngjarja ka shkaktuar diskutime të gjera online, ndërsa mbështetësit e tij kanë reaguar në masë, duke shprehur solidaritet dhe duke e përkrahur publikisht.