Video/ Si në filma! U mor peng nga një çift, taksisti 58-vjeçar në Turqi shpëton duke çarmatosur kriminelin

Një ngjarje e pazakontë dhe me skena si në filma aksion ndodhi të dielën në Gaziantep, ku një shofer taksie 58-vjeçar arriti të çarmatosë një pengmarrës të armatosur, pas një ndjekjeje dramatike me policinë.

Sipas mediave turke, 31-vjeçari Semih T dhe 36-vjeçarja Gulbahar G, që dyshohet se ishte partnerja e tij, morën peng shoferin e taksisë nën kërcënimin e një pushke gjahu dhe u larguan me automjetin.

Pas denoncimeve nga qytetarët, policia nisi menjëherë ndjekjen e automjetit. Autorët refuzuan të ndalonin, ndërsa ndjekja vijoi nga zona Araban deri në hyrje të qytetit, në lagjen Sehitkamil.

Situata u tensionua edhe më shumë kur 31-vjeçari hapi zjarr ndaj efektivëve të policisë nga brenda taksisë.