Operacion global kundër ilaçeve të falsifikuara! Interpoli sekuestron mbi 6.4 milionë doza në 90 vende

Interpoli ka konfiskuar 6.42 milionë doza barnash të falsifikuara dhe të pamiratuara, me një vlerë totale prej 15.5 milionë dollarësh (rreth 13.1 milionë euro), gjatë një operacioni të koordinuar në 90 vende të botës.

Mes produkteve të sekuestruara përfshihen ilaçe për mosfunksionim erektil, qetësues, analgjezikë, antibiotikë, si edhe produkte kundër duhanit.

Sekretari i Përgjithshëm i Interpolit, Valdecy Urquiza, paralajmëroi se ilaçet e falsifikuara përbëjnë një rrezik serioz për jetën e qytetarëve.

“Përmes tregjeve online dhe zinxhirëve informalë të furnizimit, kriminelët po shfrytëzojnë boshllëqet në kontroll, duke synuar njerëzit që kërkojnë trajtim të shpejtë ose më të lirë. Pasojat mund të jenë të rënda, madje fatale”, deklaroi ai.

Sipas të dhënave, United Kingdom kryeson listën e vendeve ku janë sekuestruar më shumë doza, me mbi 2.1 milionë, e ndjekur nga Colombia me 1.47 milionë dhe Australia me mbi 752 mijë doza.