Shqipëria nën “pushtetin” e vapës, ja qytetet ku temperaturat kalojnë 40°C

Ditën e sotme vendi ynë parashikohet të vijojë të jetë në ndikim të masave ajrore të qendrueshme dhe të nxehta.

Sipas Shërbimit Meteorologjik Ushtarak, moti parashikohet kryesisht i kthjellët e vranësira të pakta kalimtare në orët e mesditës.

Sipas parashikimit, në disa qytete temperaturat do të arrijnë mbi 40 gradë celcius.

Madje, në Elbasan dhe Berat e sotmja do të jetë një ditë përvëluese me termometrin që do të shënojë 41 gradë celcius.

Në Shkodër dhe Gjirokastër do të jetë 1 gradë më pak. Në Tiranë, Lezhë dhe Fier temperatura do të arrijë deri 39 gradë celcius.