Plagoset me thikë një person në Tiranë, rrethanat ende të paqarta (EMRI)

Plagoset me thikë një person në Tiranë. Mësohet se i plagosur ka mbetur shtetasi i identifikuar si Dritan Aga.

Ngjarja ka ndodhur në zonën e Ali Demit, pranë minibashkisë.

Mësohet se Aga sapo ka hedhur disa mbeturina në këtë zonë, kur është konfliktuar verbalisht me një tjetër person, i cili në debat e sipër e plagos atë me thikë.

Tiranë/ Informacion paraprak

Në rrugën “Hodo Beg”, gjatë një konflikti të dyshuar për motive të dobëta, është dëmtuar me mjet prerës shtetasi D. A., rreth 41 vjeç, si dhe është goditur me grushte shtetasi J. G., rreth 61 vjeç.

Autori i dyshuar i ngjarjes është shtetasi E. J., rreth 32 vjeç, i cili është larguar nga vendngjarja. Shërbimet e Policisë po punojnë për lokalizimin dhe kapjen e tij.

Të dëmtuarit ndodhen në spital, jashtë rrezikut për jetën, ndërsa grupi hetimor po kryen veprimet e nevojshme për sqarimin dhe dokumentimin e plotë të rrethanave të rastit.