Përplasje te vijat e bardha në Durrës, makina merr para këmbësorin

Një aksident ka ndodhur mëngjesin e sotëm në zonën e Plazhit, në lagjen 13 të Durrësit, ku një këmbësor është përplasur nga një taksi teksa po kalonte te vijat e bardha.

I lënduari ka përfunduar në trotuar me fraktura të shumta, por pa rrezik për jetën. Ende nuk ka një njoftim zyrtar nga Policia e Shtetit në lidhje me ngjarjen.