Mbyllet protesta e 78-të kundër qeverisë, protestuesit dhe diaspora fjalime dhe ironi kundër kryeministrit Rama

Për të 78-tën ditë, qytetarët zbritën në bulevardin “Dëshmorët e Kombit” përpara Kryeministrisë, duke kërkuar largimin e Edi Ramës. Edhe sot, të pranishëm ishin edhe shumë shqiptarë që jetojnë në diasporë.

Qytetarët artikuluan keqqeverisjen, korrupsionin dhe probleme të tjera, ndërsa ripërsëritën thirrjet kundër kryeministrit, duke e cilësuar si një “tradhtar” dhe “armik”, i cili po shet Shqipërinë.

Që në nisje të protestës, njëri prej të pranishmëve, denoncoi qëllimet e qeverisë për të shuar dhe shpërndarë protestën e tyre.