Hakerimi i sistemit të SPAK/ Kush ishin zyrtarët e grupit të WhatsApp-it ku shpërndaheshin materialet (EMRAT)

Detaje të reja janë zbardhur në lidhje me rastin e hakerimit të sistemit elektronik të SPAK. Në qendër të hetimeve janë tre persona: Agim Ismaili, ish-drejtor i Përgjithshëm i Burgjeve, Zambak Gjoni dhe Arnold Rrokaj, por emra të tjerë janë përfshirë si pjesë e një rrjeti të strukturuar me qëllime të qarta.

Ky grup ishte pjesë e një strukture që koordinonte edhe shpërndarjen e materialeve të rrjedhura në media, për të goditur individë të caktuar në publik.

Në këtë grup ishin të përfshirë:

Sokol Ngresi – Anëtar i Gjykatës së Lartë, mik me Agim Ismailin;
Anton Martini – Drejtor i Hetimit Tatimor (nga e njëjta zonë me Agim Ismailin);
Dritan Palnikaj – Sekretar i Përgjithshëm në MBU (nipi i Agimi Ismailit);
Ermal Kënaçi – Shef i komisariatit nr.2 në Tiranë (Ish-shef sektori në SHKKB, i shkarkuar);
Melsi Beli – Punon në AKSHI (Lidhje e Agim Ismailit pasi e ka pas vartës te burgjet) larguar nga detyra;
Blerina Hoxha – Punon në AKSH (Lidhje e Melsi Belit);
Jonida Baçi– ish-drejtoreshë e ATP e shkarkuar nga detyra (nga hetimi del lidhje miqësie me Agim Ismailin);
Ylli Gaxholli– ish-punonjës në ATP i shkarkuar (Agjencinë e Pronave) lidhje e vjetër e Agim Ismailit dhe Jonida Baçit ish-drejtoreshë e ATP;
Maltin Malaj – ish -drejtor në DPB tek prokurimet me Admir Arbrin, drejtor i Burgjeve.