Dhunohen dy persona në Sarandë, disa të shoqëruar në polici

Dy persona janë dhunuar mbrëmjen e së shtunës në qytetin e Sarandë, ndërsa është dëmtuar edhe një automjet në pronësi të tyre.

Ngjarja ka ndodhur në lagjen nr. 4 të qytetit, pas një konflikti për motive të dobëta, sipas informacioneve paraprake.

Automjeti i të dëmtuarve është goditur me sende të forta.

Menjëherë pas ngjarjes, në vendngjarje kanë mbërritur shërbimet e Policisë së Sarandës, si dhe forca të FNSH, të cilat kanë ndërhyrë për të stabilizuar situatën.

Policia ka shoqëruar disa persona në komisariat me qëllim sqarimin e plotë të rrethanave dhe identifikimin e përgjegjësive.