Tifozët kuqezi ngjyrosin Stambollin , atmosferë e jashtëzakonshme 3 orë përpara ndeshjes
Kur duhen edhe pak më shumë se 3 orë nga starti i sfidës mes Turqisë dhe Shqipërisë, tifozët kuqezinj kanë nisur të mbushin rrugët e Stambollit, për t’u organizuar për përballjen e sotme, e cila do të jetë si një “finale” për të besuarit e Rejës përsa i përket shanseve për kualifikim.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Tifogrupi “Tifozat Kuq e Zi”, mësohet se do të mblidhet në orën 17:30 në “The Harp Irish Pub” në Stamboll, ku dhe do të bëhet shpërndarja e biletave dhe shitja e produkteve deri në orën 19:00.
Më pas tifozët shqiptarë do të marshojnë drejt stadiumit, për t’u akomoduar në tribunën përkatëse.
Nuk mungojnë as tifozët me përkrenaren e Skënderbeut dhe qeleshe!