Një çip i lidhur me satelitët, iphone 13 vjen me risinë e pabesueshme

Teknologji

Një çip i lidhur me satelitët, iphone 13 vjen me risinë e
Ka disa ditë që qarkullojnë shumë lajme në lidhje me iPhone 13 dhe risitë që do të sjellë në treg telefoni i ri i Apple, por asnjëri prej këtyre lajmeve të pakonfirmuara nuk është më tërheqës së raportimi i fundit i MacRumors.

Nëse nuk ndodh ndonjë e papritur dhe Apple ndjek programin vjetor të prezantimit dhe më pas hedhjes në shitje të telefonit, brenda pak javësh njerëzit do të njihen me iPhone e ri, që sipas disa zërave do të jetë në gjendje që të kryejë telefonata edhe pa pasur valë.

Si? Sipas MacRumors, iPhone 13 do të jetë i pajisur me një çip aq të fuqishëm sa do të jetë në gjendje që të lidhet me satelitët në orbitën e ulët dhe përmes tyre të kryejë telefonata. Këto do të jenë telefonata që sipas zërave mund të aktivizohen nga përdoruesit në momentin që ndodhen në një terren pa valë tradicionale dhe kundrejt një pagese që duhet bërë paraprakisht për ta pasur këtë shërbim.

MacRumors thotë se telefoni do të jetë i pajisur me një opsion që mund të aktivizohet ose çaktivizohet në varësi të zgjedhjes së përdoruesit në varësi të pagesave që do të kryejë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Sipas këtyre zërave, iPhone 13 do të jetë në gjendje që të lidhet drejtpërdrejt me satelitët e orbitës së ulët të Tokës (ose LEO) falë një çipi të personalizuar të Qualcomm X60. Satelitët në këtë orbitë janë shtylla kurrizore e shërbimit të internetit të Elon Musk, Starlink i cili mbështetet në satelitët në një orbitë më të ulët për të transmetuar internetin tek klientët dhe për të shmangur disa nga pengesat e zakonshme të internetit satelitor, duke përfshirë vonesën e lartë dhe ndërprerjet e zakonshme.

Por, Starlink nuk është kompania e vetme që përdor satelitët LEO për lidhje. Hughesnet dhe OneËeb kanë kombinuar forcat për të konkurruar me Starlink dhe Immarsat njoftoi se do të hedhë në hapësirë një gjeneratë të re satelitësh që do të ofrojnë shërbimin 5G në Tokë.

iPhone thuhet se do të përdorë shërbimet e Globalstar, aksionet e të cilës në fillim të këtij viti pësuan rritje të fortë kur Qualcomm njoftoi se çipi i tij i ardhshëm X65 do të mbështeste teknologjinë e 5G të Globalstar

Dilema e ekspertëve është se si do ta zgjidhë Apple problemin e konsumit të baterisë me një çip kaq të fuqishëm si X65.

ME TE LEXUARAT