BE parashikon mandat shtesë për EULEX-in

Kosovë&Rajon

eu polSinjalet që vijnë nga Brukseli tregojnë se Bashkimi Evropian parashikon vazhdimin e mandatit të EULEX-it në Kosovë edhe pas qershorit 2016. Partitë opozitare dhe ekspertë të sigurisë thonë se skandalet për korrupsion në këtë mision dhe dështimet për kapjen e “peshqve të mëdhenj” ia bëjnë të pamundur vazhdimin e mandatit EULEX-it.

Këshilli i Bashkimit Evropian në konkluzionet e tij për Kosovën rreth liberalizimit të vizave pati edhe një rekomandim për institucionet e Kosovës, lidhur me mandatin e misionit për sundimin e rendit dhe ligjit, EULEX.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Në pikën shtatë të këtyre konkluzioneve thuhej që Kosova duhet të bashkëpunojë ngushtë dhe në mënyrë efektive me EULEX-in dhe të kontribuojë aktivisht në zbatimin e plotë dhe të papenguar të mandatit të këtij misioni, duke përfshirë edhe një mandat të rishikuar pas qershorit 2016.

Derisa kjo çështje, sipas zyrtarëve të Qeverisë së Kosovës, ende nuk është diskutuar, opozita dhe analistët janë kundër vazhdimit të EULEX-it pas qershorit 2016.

Ministri i Drejtësisë, Hajredin Kuçi, ka thënë për gazetën “Zëri” se ende nuk është vendosur asgjë në lidhje me vazhdimin ose jo të mandatit të EULEX-it. “Ende nuk është vendosur për këtë çështje”, ka thënë shkurt Kuçi. RTK

ME TE LEXUARAT