Angela Merkel thërret takim urgjent për azilantët nga Ballkani

Bota

merkel-11Numri i lartë i emigrantëve nga Ballkani Perëndimor që kanë ‘pushtuar’ Gjermaninë ka detyruar kancelaren Angela Merkel të zhvillojë një takim urgjent për këtë situatë.

Sipas mediave gjermane në 8 maj kancelaria Angela Merkel ka ftuar në një takim të nivelit të lartë në zyrën e saj ku temë debati do të jenë shpenzimet e akomodimit të emigrantëve.

Kjo masë vjen pas ankesave të kryeministrave të disa Landeve. Kryeministri i Landit të Saksonisë së Poshtme kërkoi trajtimin edhe më të shpejtë të kërkesave për azil që vijnë nga qytetarët e Kosovës, Shqipërisë dhe Serbisë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Sipas mediave gjermane 40% e azilkërkuesve në Gjermani aktualisht vijnë nga Ballkani. Stephan Weil i partisë socialdemokrate ka kërkuar që të përshpejtohet sa të jetë e mundur trajtimi i kërkesave për azil nga vendet e Ballkanit Perëndimor.

Ai ka theksuar se kërkesat e azilantëve nga këto vende do të refuzohen në masën 99%.

Stephan Weil ka kritikuar faktin që trajtimi i këtyre kërkesave zgjat më shumë se një vit, megjithëse vetë azilkërkuesit e kanë të qartë se ata nuk kanë të drejtë azili në Gjermani. Me procedime të përshpejtuara sipas tij mund të arrihet reduktimi i numrit të azilkërkuesve nga vendet e Ballkanit .

ME TE LEXUARAT