Zbulohet slogani i Eurovision për këtë vit

Soft

Zbulohet slogani i Eurovision për këtë vit

Slogani i këtij viti për Eurovision-in, që do të mbahet në Liverpul, do të jetë “Të bashkuar nga Muzika.”

Kurse, logoja për këtë vit shfaq disa zemra që rrahin në unison. Ngjyrat mbizotëruese të logos janë bluja dhe e verdha, njëlloj si flamuri i Ukrainës. Sipas BBC, slogani i këtij viti reflekton origjinën e këtij kompeticioni të këngës që u krijua fillimisht si një mënyrë për të bashkuar Europën në një vend.

 

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.


Eventi këtë vit do të mbahet në Britaninë e Madhe pasi u vlerësua që organizimi në Ukrainë mund të ishte i rrezikshëm, duke qenë se vendi që prej thuajse një viti ndodhet të luftë, doli fitues.


Në logo janë përdorur edhe ngjyrat e flamurit të vendit organizues. Gjysmë finalet këtë vit do të mbahen më 9 dhe 11 maj. Kurse finalja e madhe do të jetë më 13 maj.


Rikujtojmë, se me këngën “Duje” Albina dhe Familja Kelmendi do të përfaqësojnë Shqipërinë në Eurovision 2023. Në finalen e edicionit të 61-të të Festivalit të Këngës në RTSH, Albina dhe familja e saj morën votat maksimale nga publiku, për ta dërguar “logon” e Shqipërisë në skenën e madhe të këngës së Europës. Gjithashtu, Albina dhe Familja Kelmendi fituan çmimin e dytë, në vlerësimin e jurisë profesioniste. Fituesja e çmimit të parë ishte Elsa Lila, e cila u prezantua me këngën “Evita”.

ME TE LEXUARAT