Poleni nuk është fajtori i vetëm! Studimi zbulon arsyet pse teshtini vazhdimisht

Njerëzit që vuajnë nga alergjitë vazhdimisht luftojnë me simptoma, si teshtitja, veçanërisht gjatë pranverës, por mjekët zbulojnë se në shtëpi fshihen edhe shkaktarë të tjerë të teshtitjes.

Shtëpia mund të jetë shkaktar i rinitit alergjik, apo inflamacionit të zgavrave të hundës, i shkaktuar nga diçka ndaj së cilës jeni alergjik.

Simptomat përfshijnë teshtitjen, kruajtjen e hundës dhe kongjestionin e frymëmarrjes.

Në pothuajse gjysmën e njerëzve, shkaku është në shtëpi.

Rezultatet e një sondazhi me 2000 të rritur zbuluan se shtëpia (42%), kopshti (28%) dhe shtrati (23%) janë vendet më të zakonshme që shkaktojnë sulmin e teshtitjes.

Është interesante se 84% e njerëzve në të vërtetë mendojnë se teshtitja nuk ka arsye, ndërsa 19% kanë pasur një episod teshtitjeje në zyrë ose në vendin e punës.

Përveç kësaj, 35% e të sëmurëve nga alergjitë thonë se kanë vështirësi në frymëmarrje për shkak të simptomave të tyre.

Arsyet më të zakonshme të teshtitjes në ambiente të mbyllura:

lule të freskëta
parfume
freskuesit e ajrit
produkte pastrimi
erëza
kafshë shtëpiake
bimët e shtëpisë
qirinj aromatike
libra dhe gazeta të vjetra

Çfarë mund të bëni për ta parandaluar?

Ka gjëra që mund të bëni për të parandaluar rinitin alergjik në shtëpinë tuaj, të tilla si pastrimi i pluhurit me një leckë të lagur, larja e kafshëve shtëpiake dhe shtroja e tyre rregullisht, përdorimi i shtratit hipoallergjik dhe mbajtja e shtëpisë tuaj të thatë dhe të ajrosur mirë.