Hiq dorë nga dietat, humb kile duke konsumuar këto ushqime

Soft

Hiq dorë nga dietat, humb kile duke konsumuar këto ushqime

Kilet janë një nga problemet që përjetojnë vajzat, sidomos kur afron stina e verës, ndërkohë që dashuria për ushqimin nuk venitet. Stërvitjet janë bërë një mankth dhe dietat një frikë, në këto situatë mjekët ju prezantojnë ushqimet që janë të shëndetshme dhe ju ndihmojnë që të hiqni kilet e tepërta.

Sipas një studimi, thuhet se konsumi ditor i specit djegës, përshpejton humbjen e dhjamit në bark dhe rrit aftësinë e trupit për të shndërruar ushqimin në energji. Ajo që duhet të bëni për të përfituar nga speci djegës është ta përdorni atë sa më shpesh në gatimet tuaja.

Vezët janë një nga burimet më të mira të kolinës, një lëndë ushqyese e cila ndihmon në djegien e dhjamit. Vezët janë një burim i shkëlqyeshëm i proteinave të dobëta, të cilat mund të përshpejtojnë ritmin e djegies së dhjamit kur konsumohen për mëngjes. Gjithashtu ato do t’ju mbajnë të ngopur për më gjatë, një faktor tjetër që ndikon në reduktimin e peshës.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.


Perimet gjethe jeshile si spinaqi, janë plot me lëndë ushqyese si vitamina A, hekur dhe folate, që rrisin energjinë tuaj. Gjithashtu ato mund të zvogëlojnë oreksin, duke ndihmuar në frenimin e marrjes së kalorive. Nga ana tjetër nxisin trupin tuaj për të filluar djegien e dhjamit falë përbërsve natyrorë të quajtura tilakoide.

Një nga arsyet që metabolizmi juaj nuk po e djeg dhjamin sa ju do të dëshironit, mund të jetë niveli i ulët i magnezit në trup. Ky mikronutrient thelbësor është i nevojshëm për trupin për të prodhuar dhe ruajtur energji. Vetëm një gjysmë filxhani me fara kungulli, ofron gati 100% të nevojave tuaja ditore për magnez.

Ekspertët ia atribuojnë aftësinë e eleminimit të yndyrnave, një përbërësi të fuqishëm në hudhër, të quajtur acilinë. Duke qënë se hudhra ka një shije të fortë, ju mund ta shtoni atë në gatime të ndryshme për të përfituar më shumë prej saj

ME TE LEXUARAT