E vërteta e izolimit të Eglës, Ledjona tregon çfarë ka ndodhur me aktoren: U takuam, ka dhe video...

E ftuar në “Big Brother Fun Club”, ish-banorja e BBV3 Ledjona Xheladinaj ka zbuluar se ka takuar aktoren, Egla Ceno, menjëherë pasi Vëllai i Madh e eliminoi nga gara për çmimin e madh.

“Me thënë të drejtën, nuk më ka ardhur mirë dhe kam qenë personi i parë që kam takuar Eglën pas eleminimit. E kuptoj se ndihej aq e lumtur që doli nga ajo shtëpi, sepse izolimi për aq ditë... Nuk ishte e mëzitur dhe ishte e lumtur dhe po bërtiste se po shihte njerëz të tjerë.”, tha Ledjona në “Big Brother Fun Club”.

Kjo deklaratë e saj ka marrë menjëherë vëmendje të madhe në rrjet, pasi aktorja Egla Ceno ndodhet në izolim nga produksioni i Big Brother dhe pritet të vendoset nëse ajo do të vazhdojë garën si banore, pas një televotimi me Ilnisën dhe Meritonin.

Ledjona ka reaguar sërish duke theksuar se ka video të takimit të saj me Eglën ndërsa bën thirrje që ajo video të publikohet.

“U takuam apo s’u takuam. Kjo është çështja. Dikush që ka videon ta nxjerrë tani ose të heshtë përgjithmonë. Nejse, më mirë po citoj Galileon: “E megjithatë rrotullohet”.-shkruan Ledjona në një postim në Insta story.

Egla, e cila u eleminua pasi i derdhi gotën me verë Meritonit, pas përplasjeve të vazhdueshme me të, u zhduk papritur, sipas miqve të saj aktorja nuk kishte shkuar ende në shtëpi edhe pse mendohej se kishte lënë lojën. Por më vonë u zbulua se ajo mbahej e veçuar në një dhomë pranë ambienteve të Big Brother Vip./LajmiFundit