Spiropali akuzon opozitën: E kthyen Parlamentin në skenë krimi!

Kryetarja e Kuvendit Elisa Spiropali, akuzi opoziten se e ka kthyer Kuvendin ne skene krimi diten e sotme. 

Reagimi:

“Karriget tona janë të qytetarëve” tha një deputet i opozitës! Kjo është shumë e vërtetë dhe prandaj ato karrige janë për t’u respektuar duke u ulur mbi to me peshën e besimit të marrë prej qytetarëve.

Djegia e tyre dëshmon nivelin më ekstrem të mungesës së respektit për qytetarët, ligjin dhe institucionet e shtetit demokratik.

Fatkeqësisht zjarrin mbi parlamentet e kanë vënë vetëm përbuzësit dhe shkatërruesit më të mëdhenj të demokracisë në historinë e saj.

Edhe më fatkeqësisht zjarrvënia e sotme, dhe aktet ekstreme të dhunës brenda sallës, e kanë kthyer Kuvendin në një skenë krimi, për t'u marrë në kqyrje nga organet ligjzbatuese.

Keqardhje e thellë!

Bashke me reagimin, Spiropali publikoi edhe nje foto te karrigeve qe deputetet e opozites dogjen ne oborrin e Parlamentit.