Nga Basha, Alibeaj e Shehi, te Majko, Kodheli e Kryemadhi, kush janë 79 deputetët aktualë që dorëzojnë mandatin në shtator

Sot ka përfunduar zyrtarisht numërimi i votave preferenciale nga Diaspora, duke mbyllur kështu procesin zgjedhor dhe duke krijuar një pasqyrë të qartë të përbërjes së re të Kuvendit të Shqipërisë për mandatin 2025-2029.

Por ajo që bie menjëherë në sy, është lista e gjatë e emrave të njohur që nuk do të jenë më pjesë e Parlamentit – plot 79 deputetë aktualë kanë mbetur jashtë. Disa nuk u futën fare në lista dhe disa nuk kanë arritur të sigurojnë votat e nevojshme më 11 maj.Në këtë grup bien në sy figura të rëndësishme të politikës shqiptare ndër vite; njerëz që kanë mbajtur poste ministrore, drejtues partie apo funksione kyçe institucionale. Midis tyre janë Pandeli Majko, një prej figurave simbol të PS dhe ish-kryeministër; Mimi Kodheli, ish-ministre e Mbrojtjes; Lulzim Basha, ish-kryetar i PD-së dhe kandidat për kryeministër; si dhe Enkelejd Alibeaj, ish-kryetar i komanduar i grupit parlamentar të PD-së.

Ndër emrat që kanë rënë “pre e votës selektive” janë dhe Dashamir Shehi, një nga zërat kritikë e të pavarur në Kuvend; Blerina Gjylameti, një nga figurat e spikatura të PS-së në Tiranë; si dhe Ermonela Felaj, nënkryetare e Kuvendit dhe ish-zëvendësministre e Drejtësisë. Po ashtu, jashtë Parlamentit kanë mbetur edhe Orjola Pampuri, Petrit Doda, Ferdinand Xhaferaj, Edmond Spaho, Kreshnik Çollaku, Helidon Bushati, Dhurata Çupi, Etilda Gjonaj, Tatiana Piro, Nasip Naço dhe shumë të tjerë nga të gjitha spektrat politikë.

Kjo “fshirje” masive e 79 deputetëve vjen si pasojë e kombinimit të dy faktorëve: ndryshimet në Kodin Zgjedhor që favorizuan kandidatë me vota preferenciale dhe fushata gjithnjë e më e fortë për rinovim të elitës politike. Vota nga Diaspora, për herë të parë me ndikim real, ka luajtur gjithashtu një rol në rishpërndarjen e mandateve, duke fuqizuar emra të rinj apo kandidatë me mbështetje të gjerë jashtë vendit./Pamfleti

Deputetët aktualë që dorëzojnë mandatet

Mazhoranca

1. Agron Çela

2. Alban Xhelili

3. Anduel Tahiraj

4. Arben Pëllumbi

5. Baftjar Zeqaj

6. Bardhyl Kollçaku

7. Blerina Gjylameti

8. Bujar Çela

9. Dasantila Tahiraj

10. Denis Deliu

11. Edona Bilali

12. Eduard Ndreca

13. Enslemvera Zake

14. Erjon Meka

15. Ermonela Felaj (Valikaj)

16. Etilda Gjonaj

17. Etjen Xhafaj

18. Florenc Spaho

19. Gerta Duraku

20. Ilir Metaj

21. Ilir Ndraxhi

22. Ilir Topi

23. Ismet Beqiraj

24. Klevis Xhoxhi

25. Klotilda Bushka

26. Lavdrim Krrashi

27. Lindita Buxheli

28. Luan Duzha

29. Luljeta Bozo

30. Mimi Kodheli

31. Mirela Pitushi

32. Nasip Naço

33. Niko Kuri

34. Pandeli Majko

35. Paulin Sterkaj

36. Petro Koçi

37. Plarent Ndreca

38. Pranvera Resulaj

39. Tatiana Piro (Nurce)

40. Teuta Ramaj

41. Toni Gogu

42. Xhemal Qefalia

PSD

1. Gledis Çeliku

2. Gertjan Deda

3. Meri Markiçi

Opozita

1. Andrea Mano

2. Asllan Dogjani

3. Dashnor Sula

4. Edmond Spaho

5. Dhurata Çupi (Tyli)

6. Eralda Bano

7. Ferdinant Xhaferaj

8. Helidon Bushati

9. Kreshnik Çollaku

10. Lefter Gështenja

11. Lindita Metaliaj

12. Lodovik Hasani

13. Lulzim Basha

14. Merita Bakiu

15. Orjela Nebiaj

16. Orjola Pampuri

17. Qani Xhafa

18. Sorina Koti

19. Zheni Gjergji

20. Andia Ulliri

21. Gëzim Ademaj

22. Ilda Dhori

23. Nustret Avdulla

24. Seladin Jakupllari

25. Shpëtim Idrizi

26. Agron Duka

27. Dashamir Shehi

28. Emilja Koliqi

29. Petrit Doda

30. Enkelejd Alibeaj

31. Flutura Açka

32. Arbi Agalliu

LSI

1. Monika Kryemadhi

2. Petrit Vasili